宝宝太幸福了吧！盘点娱乐圈4位帅气星爸！

　　唔少儿时男神同偶像于近年都逐一荣升爸爸，实在不禁让人慨叹时间飞逝。虽然佢哋已经迈进人生另一阶段，但帅气同型格绝不递减，反而仲愈嚟愈有魅力。加上见到佢哋爱心泛滥，实在令一班粉丝流晒口水！

　　1.陈冠希

　　同老婆秦舒培结婚然后生女儿Alaia之后，Edison一改火爆暴躁形象变成sweet爆爸爸。睇嚟囡囡系爸爸前世情人呢句一啲都无讲错。

　　喺Edison嘅社交平台都经常见到囡囡嘅踪影，Alaia经常以潮爆同可爱形象示人，唔知大个之后会唔会同爸爸一样咁有时尚触觉呢？

　　2.余文乐

　　讲起潮爸又点少得余文乐？自从囝囝Cody出世之后，六叔余文乐可以话系有仔万事足，经常喺IG发布囝囝嘅日常生活照。呢张同囝囝嘅出浴照简直系父爱泛滥，除咗show到父爱之外，亮点当然仲有乐仔嘅肌肉同纹身啦！

　　虽然囝囝人仔细细，但已经一身潮童打扮，绝对有余文乐嘅影子，小编表示好期待囝囝大个之后同爸爸一齐影嘅父子OOTD呀！

　　3.陈柏宇

　　父爱泛滥除咗有Edison同乐仔之外，仲有新手爸爸陈柏宇！Jason嘅小公主Abigail于上年9月出世，Jason会定期于IG同粉丝分享凑女经，佢表示新手爸爸真系唔易做，仲话自从Abigail出咗世，我每日都好努力学做一个100分嘅暖男爹哋！唔知到囡囡大个之后睇返会唔会好感动呢？

　　睇嚟Abigail同Alaia同Cody一样，应该走唔甩成为潮宝宝嘅行列。细细个就已经拥有Brick Bear公仔，一大一细Brick Bear加埋Abigail实在太可爱啦！

　　4.陈智燊

　　帅气星爸仲有另一位Jason，陈智燊同老婆宋熙年加埋囝囝Damon一家三口幸福嘅生活实在羡煞旁人！Jason更加形容囝囝为”Definition of Happiness”，指囝囝系佢快乐嘅泉源，见到佢抱住囝囝呢个冧样直头感受到