第三者难抽身！和你诉说爱情3大要诀

　　感情之中好多时都冇对与错之分，出轨可能好多时都系因为唔够爱，而当有第三者出现嘅时候人们永远都会认为一定系第三者破坏人感情，但其实第三者呢个角色永远都系吃力不讨好，因为爱情系盲目，想抽身而退，但又唔想放弃爱情，如果你咁唔好彩唔觉意做咗人哋嘅第三者，要面对呢种两难嘅局面，就要学习以下几点，成为一个称职的第三者。

　　和你诉说爱情1. 第三者面对爱情 要学识照顾自己

　　对方始终唔可以随传随到，有乜头晕身㷫，屋企大小事务都要自己一力承担，所以要学识自己照顾自己，唔好依赖对方，一来对方唔需要花额外的时间照顾你，每次见面都可以尽情享受美好嘅时光；二嚟就系你唔需要再靠人照顾，自己都识爱得爱自己，病了不会再渴望一句饮杯暖水，又不会怪对方不关心自己，自然就会同对方少点争吵，个男人自然会多啲钟意同你呢个第三者一齐。

　　和你诉说爱情2. 第三者要令个男人唔洗氹你

　　同对方始终系唔见得光嘅关系，大时大节当然无办法正日庆祝，怕寂寞嘅你喺呢啲时节一定会倍感伤神，所以要拥有良好嘅人际关系，一来可以揾朋友去玩嚟分散注意力；二嚟就系唔会伤感，男人最怕要氹人，起码对方打俾你，你都系开开心心，唔使听你怨妇咁怨，开心之余都要扮吓可怜，唔好俾对方感觉无咗佢你都可以自己生活，因为男人一觉得自己被需要就会想做英雄，等对方可以快啲谂办法嚟见你。

　　和你诉说爱情3. 第三者要养得起自己

　　虽然系做第三者，但千祈唔好有想等人养嘅心态，因为一咁谂你就会变得cheap，一cheap对方就会睇你唔起，所以要做就要做一个养得起自己的第三者，有自己的事情及世界，唔会万事都以对方为中心，即使佢要陪正印你都唔会无所事事，剩系识得喺度等对方揾你，就算分手，你都可以走得潇洒一点，可以自给自足。

　　其实以上咁多点，作为一个女人做得咁辛苦，你问自己真系值得？做第三者的矛盾其实都只系因为太爱，但当你清醒的时候就会明白一切都系镜花水月，始终如果对方有得第三者，都会有第四者，第五者，可以的话就及早抽身，免得伤害人哋感情又伤害到自己。