愚人节齐齐开玩笑！10个创新的整人方法

　　一年咁多个节日，小编最钟意愚人节，因为除了表白都唔洗怕之外，仲可以跟朋友用各种整人方法开玩笑一番，最紧要系咩？人地唔准嬲嘛！就让小编赐你愚人节整人10式！

　　第1式：出血水龙头

　　将食用色素粉抹喺水龙头内则边缘位置，一开水就满满鲜血，应该吓到唔敢洗手！

　　第2式：将杀虫剂换成空气清新剂

　　呢个玩笑最紧要就系加埋只真蟑螂嚟玩，当喷极都喷唔死只蟑螂，都真系几激气。

　　第3式：手机联络人改名

　　通常都系同男朋友/老公玩，因为多数都知道对方密码，改哂佢联络人啲名，应该会抓狂！不过对于电话系揾食工具嘅人士嚟讲，开呢个玩笑就要小心，因为随时反面！乐极生悲就唔好啦~

　　第4式：牙膏变Wasabi

　　人每朝都要刷牙，而朝早更系每个人戒心最低嘅时候，趁愚人节将厕所的牙膏变Wasabi，一路刷一路辣，应该都几好笑！

　　第5式：有料食物

　　人每一日都要食饭，所以整个有料食物吧，整人成功率达100%！例如Wasabi三文治、牙膏汉堡包、辣椒汁炒饭……谂起都过瘾！

　　第6式：恐怖电脑wallpaper

　　趁同事/朋友/家人唔为意，就将佢部电脑嘅wallpaper换成恐怖相啦，最紧要换完熄咗佢个mon，等佢一打开就见到，应该吓到尖叫！

　　第7式：将两杯水倒转放枱面

　　先将一张卡纸放喺有水嘅杯上面，然后一下反转放喺枱面，然后再慢慢拎走卡纸，就可以成为倒转的水！最激气位系留埋张纸条俾阿爸阿妈，等佢地抹餐死之余仲要被揶揄，真呕血！

　　第8式：眼镜啫喱糖

　　将朋友/同事/家人很重要的物件偷偷制成啫喱，幻想如果朋友/同事/家人是大近视魔，找到眼镜时眼镜却在啫喱里面，眼花的他/她一定气死！！

　　第9式：万乐珠+可乐

　　好多人都知道万乐珠一放入可乐就会变可乐喷泉，将一粒万乐珠用一条线绑喺可乐樽口，一扭开，哈哈！应该成身都系可乐喇！！！

　　第10式：扮厕所有人

　　只要将一条裤加鞋放入厕格内，就可以神不知鬼不觉咁做到厕所有人嘅假象，如果你嘅同事/朋友/家人见到厕所anytime疑似有人，绝对会激死佢地！