女生独游推荐厌倦工作日本留学的实用文摘资料

　　由毕业至到工作一段时间之后，都会跌入一个厌闷期，沉闷及沉重的工作生活令到你好想放一个长假，但又唔想裸辞，即使有钱，有大假都好，假期始终都会结束，就算年龄啱啱好仲可以去到Working Holiday，但去到咪又系要Working，想来一次有意义又唔想玩多过做嘅出走，不妨考虑一下留学，而日本也是一个香港人出国留学的好地方。

　　留学同Working Holiday好唔同，后者其实你带够钱去嘅话系可以完全唔Working，而且有年龄限制，如果你已经30+，就连呢个出走嘅机会都无埋，但留学虽然要洗一笔钱，但至少无年龄限制，而且确保你至少学到嘢，毕生受用！留学并唔系要选读一个专修科，其实选读一种语言也可以，因为很多地方都会想留学生学懂当地语言，熟习当地环境同生活文化，其中日本有很多提供预外国人入读的语言学校，可以俾你有一个揾番人生目标嘅假期。

　　无学过日文都得？

　　走入厌闷期就会有一种想变番做废青嘅心态，但系社会嘅规范会令到我哋好难再返番去无经济负担嘅阶段，所以心态上唔可以谂住留学就咩都唔做，日本有很多大学都有提供专门给外国人的日语课程，加上在日本这个纯日语的环境，很快便能练得一身好日语！入读后，系有机会可以考获日本语能力试验的N1程度，假期之余，但同时可以增值一下自己其实非常化算。所以你入读之前，并无学过日文亦可，可以说是由零开始。

　　小心选择语言学校

　　确定好要留学之后，就要考虑钱嘅负担同选择学校，语言学校的价钱大约是12至18万一年左右，而开学时间大多数系分4个时段，包括：1月、4月、7月及10月四个开学时间，一般都 可以自行报读，不过日本的语言学校都会需要你用日文填写申请书，如果你系完全唔识日文，坊间亦都有很多代辨入学申请的公司可供选择。虽然系留学，但都要好似Working Holiday需要递交经济能力证明，证明你可以喺日本交学费同生活。

　　在日本留学的住宿问题

　　语言学校会连宿舍亦有协助寻找寓所，建议选择有宿舍的会较好，因为一般在日本租屋需要有日本人做保证人之外，仲需要缴交礼金，所以为咗悭钱，住宿舍会比较好，而且宿舍多数都会有埋傢俬同包埋水电，会令你容易啲开始当地的生活。

　　留学生做part time

　　要去另一个地方生活，唔多唔少都会无哂安全感，语言学校识到嘅同学大多数系外国人，好似台湾人，韩国人等等，除咗大家一齐感受日本文化同享受日本嘅气息之外，其实都可以试下喺当地打工，留学生每个星期最多只可以兼职28小时，可以赚下日常开支，同时可以有多啲机会讲日文同识下日本朋友，不过首次入境嘅日本留学生记住要喺机场或者居住地嘅入国管理局申请资格外活动许可先可以打工！这个跟本身拿日本Working Holiday 签证中不受限制的工作时数有很大分别！

　　三十而立，好多人都唔够胆出走，去到事业的厌闷期，但又怕放弃事业，被人话不设实际，但如果可以俾自己休息一下，暂时放低一下社会俾自己嘅规范，去留学一年都未尝唔系一件增加人生经验嘅好事！