新年见家长!十二星座配对,我唔识拍拖,拍拖拜年必胜锦囊!

导读:十二星座配对,我唔识拍拖!一年一度农历新年,等同情侣界年度盛事,因为见家长活动又展开啦!如果今年是你系第一次见家长,想在对方家人心中留下好印象,除了要留心人人通用...

  十二星座配对,我唔识拍拖!一年一度农历新年,等同情侣界年度盛事,因为见家长活动又展开啦!如果今年是你系第一次见家长,想在对方家人心中留下好印象,除了要留心人人通用的见家长10诫外,更要留心十二星座拜年的注意事项,立即打开锦囊,新年见家长包你无失手!

新年见家长!十二星座配对,我唔识拍拖,拍拖拜年必胜锦囊!

  白羊女新年见家长:切忌冲口而出

  白羊女代表陈乔恩

  白羊女热情奔放,有时啲举止又似个带点儍气,呢种充满活力同可爱的个性,马上氹得长辈们笑呵呵!不过,性情冲动嘅白羊女第一次见长辈时都要好好控制自己容易冲口而出嘅性格,切忌谂到乜就讲乜,顶撞对方,尤其新正头讲错嘢,长辈特别介怀啊。

  金牛女新年见家长:改下自己硬颈嘅性格

  金牛女代表唐诗咏

  金牛女性格踏实平稳,长辈对你嘅第一印象未必特别深刻。如果想喺长辈心目中搏取高分数,金牛女不妨施展对美食嘅研究,送一盒至啱佢哋口味嘅贺年礼盒吖。但要留意对住长辈时,要改下自己硬颈嘅性格,以免拜年变开年呀!

  双子女新年见家长:小心无耐性

  双子女代表容祖儿

  善于沟通、口才了得嘅双子女,当然最识氹一班老人家开心,机智聪明嘅佢哋仲好识得点样打开话匣子,大谈长辈都啱倾嘅话题。但若然撞正特别长嘅新年家庭聚会,双子女会容易失去耐性,甚至不断埋首玩电话——要记住对长辈嚟讲,真系几无礼貌。

  巨蟹女新年见家长:别做怕丑女

  巨蟹女代表梁洛施

  热爱家头细务嘅巨蟹女,一上到男友屋企,好自然即刻安心融入家中,即刻主动帮伯母手。无论煮饭定洗碗,永无托手踭,而且仲做得相当妥当,伯母一定非常受落。不过面对一大班陌生长辈,巨蟹女难免会即刻变得腼腆怕丑,呢个moment,最紧要放松啲,对人大方笑下啦。

  狮子女新年见家长:注意其他人感受

  狮子女代表薛凯琪

  见家长就好似喺一场show,狮子女就梗系会不断向长辈们show off,分享佢哋嘅威水嘢。喺对方一堆亲戚入面,狮子女都会轻易成为全场焦点。喺不断讲自己嘢嘅同时,都要留意自己会唔会讲得太多,忽略其他人感受,同埋说话时嘅声浪太嘈,都容易令人反感!

  处女女新年见家长:唔好斤斤计较

  处女女代表范冰冰

  继巨蟹女,孝顺嘅处女座都系非常乐意为人服务。斟茶递水样样做足,点会唔讨长辈欢心?但都要注意一啲细节,特别一旦牵涉同钱银有关嘅事宜都要不拘小节啲,唔好暴露你斤斤计较嘅性情!

  天秤女新年见家长:改善迟疑性格

  天秤女代表邓丽欣

  一见到外表端庄四正嘅天秤女,就算佢哋未开声,长辈都会对佢留下好嘅第一印象。擅长交际又友善的天秤女喺呢啲场合可谓如鱼得水,面面俱圆,非常识氹老人家开心。当长辈同天秤女寒暄,问起各方面问题时,不妨放下迟疑性格,大胆爽直啲分享想法啦。

  天蝎女新年见家长:面对八卦长辈不要无言

  天蝎女代表黄翠如

  低调沉默嘅天蝎女,面对长辈时唔会有好多嘢讲,但佢哋会用热切行动嚟实证对长辈的关怀。不过长气八卦嘅长辈可能会问多咗啲私人问题,令天蝎女适应唔嚟,甚至有啲反感,其实有时长辈都无恶意,唔出声反而会令长辈误会呢。

  人马女新年见家长:小心无规无矩

  人马女代表朱晨丽

  最识氹人开心,有人马女嘅地方即刻就可以炒热气氛,自然唔容易喺长辈流露紧张怕丑嘅一面。而且生性乐观开心,人马女嘅言行都冇机心,容易同全场打成一片。之但系太洒脱随性都可能会令长辈觉得人马女无规无矩!

  山羊女新年见家长:忍一时风平浪静

  山羊女代表王敏奕

  山羊女一般都好有长辈缘,喺长辈眼中佢哋听教听话,言行举止仲好谨慎,非常有礼貌。不过,钟意凡事都管嘅山羊女,一旦反而畀长辈加把口去管佢哋嘅事时,就会容易嬲嬲,记得要忍......忍一时风平浪静呀!

  水瓶女新年见家长:留意言辞

  水瓶女代表黄心颖

  水瓶女想法古灵精怪,就算遇上陌生长辈,都会可以大胆同场内长辈沟通,甚至以各式鬼主意嚟搏取对方一笑。若然接触嘅长辈系比较保守,就要留意自己嘅言辞,会唔会有时讲咗啲太过火嘅嘢,令对方觉得反叛。

  双鱼女新年见家长:忌太天真、不踏实

  双鱼女代表陈法拉

  双鱼女品性善良,脾气温柔,可以容易同长辈相处。但小心应对长辈时,双鱼女会轻易同佢哋分享咗一啲心底嘅不切实际嘅理想谂法,令对方会有觉得妳太天真同唔踏实嘅感觉。


请关注网站旗下微信公众号:

上一篇:Vintage绝世战魂燃烧我的卡路里!文艺时代花样少男少女一生中最爱的古着店
下一篇:与最高学历相对应的学位,如何管理好员工?5个你可能没想过的背后原因

完美时尚网部分内容来源于互联网,登载此文出于传递更多信息之目的,并不意味着赞同其观点或证实其描述。文章内容仅供参考,如有侵犯版权请来信告知E-mail:1074976040@qq.com,我们将立即处理。

为您推荐